Ang Pagkitaay Namon Liwat sang Akon Subang nga Bata

はなはだ唐突ですが、今日は私が住む西ネグロスで使われている、イロンゴ語での投稿です。原文は先週書いた「我が娘 ソフィアとの再会」。一旦英訳して、それを家内の協力でイロンゴに直しました。興味のある方は、読み比べてみてください。

Sophia ang ngalan sang akon subang nga bata sa Pilipinas. Indi siya illegitimate child kag indi sya bata nga babaye. Trade name sang TV ang ngalan nga Sophia, produkto sang isa ka electrical manufacturer kung diin nag obra ako bilang industrial designer para sa mga Southeast Asian countries.

Sang nagligad nga gab-i, na imbitahan kami sa isa ka salu-salo kag pagsulod sa sala sang sadto nga balay, may CRT TV nga Sophia. Ini nga TV gin design ko may sobra na sa 20 ka tuig ang nagligad. Memorable sa akon ini nga TV kay ini ang una ko nga obra para sa overseas market. Daw pareho ini sang isa ka bata nga nagpamana kag nagpuyo sa malayo nga lugar!

Sa akon na-angdan, 10 lang ka tuig magamit ang TV kag sa Japan, halos wala na sang CRT TV nga makita. Apang diri sa Pilipinas, ginahalungan gid ang TV kag bisan maguba, ginapakay o para magamit pa gid.

Madamo nga beses ko pa nakita ang Sophia. Sa isa ka madako nga hotel sa Bacolod, may Sophia sa kada kuarto kag ako bilang isa sa mga nag develop sini, nalipay gid nga ginagamit pa ini asta subong.

Nadumduman ko nga ang Sophia project ang rason sang una ko nga pagkadto diri sa Pilipinas gani masiling ko nga ini ang matchmaker namon sang akon pinalangga nga asawa. Kung ang amon naging bata isa ka babaye, wala na sang madamo nga gamo, SOPHIA gid ang iya ngalan kung tani.

Sa Southeast Asia, labi na gid sa Pilipinas, dapat madako ang speakers sang TV para ini maging mabakal. Apang indi matahum tulukon kung tama kadako ang speaker sang TV, gani nag himo ako sang bag o nga design nga matahum tulukon, maayo ang sound quality kag sophisticated ang porma. Ang Sophia nga ngalan naghalin sa tinaga nga “sophisticated”.

Malaba kag madamo nga istorya antes nahimo ang Sophia. May mga Japanese staff nga wala nakahibalo sang local Philippine market nga nagbatikos sa akon. Pero sang nahuman kag ginbaligya na ang Sophia, ini nangin bestseller. Asta subong, kung mabal an sang mga tawo nga ako ang nag design sang Sophia kag nalipay sila, pamatyag ko daw isa ako ka celebrity!

Pagkatapos sang madugay nga tyempo antes ang amon pagkitaay liwat ni Sophia, tuman gid ang akon kalipay.